Barriak

(2017-10-16) Kronika XXX. Barrika Surf Classic VI. Memoriala
 
argazkia: Miguel Ángel Sánchez

XXX. Barrika Surf Classic VI. memoriala ospatu egin genduan urriaren 14ean, zapatuan. Berez, irailaren 30ean egin behar genduan baina eguraldi euritsuagaitik bigarren aukeran deia egiteko beharrean aurkitu gintzezan. 41 partehartzaile Olaundi (7), Bodyboard (3) ta Open Surf (36) kategorietan banandurik. Batzuk bi kategorietan parte hartu eben.

Egun ederra. Kriston eguraldia ta sekulako itxosuak (olatuak). Itsasoa laster larregi haundituko zanaren beldurrez goizeko 8:20an puntual hasi ginan aurreneko txandagaz. 1/2-3/4 metrotako itxosuekaz hasi eta apurka-apurka itsasoa haundituz joan zan. Azkenean metro pasatxotako itxosu ederrak euki genduzan. Hasieran ur gitxiegi egoan, baina itsasaldia goratuten joan ahala gero ta hobeto ipinten joan zan. Bigarren kalan egundoko ezkerrak hautsi eben eta txanden batean bertan aritu ginan bere. Bi pikoetan jardun zan txapelketa, beraz, free surferrak leku barik lotu ziran uneren batean. 15:00tarako txapelketa amaitu genduan. Iragarrita egoan igoera ez zan horrenbestekoa izan ta Barrikak ederto aguantau euskun, 17:00k arte. Betiko lez tresneria batzeko lau katu lotu ginan. Horregaitik hiru gora-behera egin behar izan genduzan dana batzeko.

Open Surfeagaz hasi ginan eta final-erdiak baino lehen Olaundiko (longboard) azkena egin zan sei partehartzaileekaz: Joseba Francés "Katxibu", Ander Sologuren, Gonzalo Jiménez, Javier Sastre "Tati", Aritza Bizkarralegorra eta Alfredo Zamora. Tamalez Ritxi Muñozi goizean bere olaundia frogatzen bi zatitan puxkatu jakon eta ezin izan eban finalean parte hartu. Baldintza oso onean egin zan azkena eta ordu erdiko finalean Katxibu suertatu zan txapeldun, Aritza, Gonzalo, Alfredo, Ander eta Tatiren aurretik hurrenez hurren.

Gazte mailean Gilen Ibarzabal 12 urteko gaztea lehenengo aldiz Barrika Surf Classic-ean parte hartu eban eta dotore jardun zan, itxosuen irakurketa ona eginaz. Ondo etorria Gilen!

Nesketan Itziar Cimavilla ta Maitane Zulaika bakarrik jardun ziran. Itziarrek jantzi eban txapela ta gainera oso ondo jardun zan Open Surf kategorian final-erdietara heldu eta hirugarrena lotu zalarik final-erdietan. Beraz, bosgarren lekua eskuratu eban. Zorionak Itziar!

Aittitte mailan hor aritu ziran Iñaki Garai "Kako", Ander Sologuren, Felipe Lombraña (bere lehen aldia Barrika Surf Classic batean parte hartzen) eta Mikel Jauregi (Lanzarotetik etorrita eta Barrikako lehen guatximana). Kako eta Felipe igaro ziran bigarren errondara eta azkenean Kako nagusitu jakon Feliperi. Zorionak Kako! Ta zorionak lauroei hor aparretan jarraitzen dozuelako. Jarraitu horrela.

Open Surfeko azkenean, azken barria euki genduan: Erlantz Idigoras, Alain Uribe, Igor Arroita ta Ion Iker Campos. Azkena oso lehiatua izan zan. Laurak jardun ziran oso ondo eta laurak harrapatu ebezan itxosu ederrak. Igor Arroitak jantzi eban txapela, Erlantz, Ion Iker ta Alainen aurretik hurrenez hurren. Zorionak Igor zure lehenengo txapelagaitik!

Bodyboard kategorian hiru aritu ziran azkenean. Rui Ferreirak azken orduan huts egin euskun eta zoritxarrez bere uretako argazkirik bage lotu gara.

Egun berezi hau oroimenean gordetzeko Santi Fernández, Miguel Ángel Sánchez ta Aritza Bizkarralegorra aritu ziran argazkiak eta bideo-irudiak egiten. Aurtengo elastikoaren diseinua Mario Gazteluk egin dau. Hondartzan egon ziran salgai ta saribanaketan bere. Sobran lotu dirazan elastikoak Gorlizko Olalde frutadendan salgai ipini doguz.

El Puerto jatetxean saribanaketa ederto. Hemen aipatu ahaztu jakula El Puertori gauzak zehaztea (ordutegia, zenbat pertsona urreratuko gintzezan etabar) eta eskerrak emon behar deutsogu Lander Cuasanteri, El Puertoko sukaldari eta jabeari, egindako esfortzua azken orduan luntxa prestatzeagaitik, gordelekua kontzerturako eta saribanaketarako txukuntzeagaitik eta edarientzako orduz kanpoko zerbitzariak ipintzeagaitik. Eskerrik asko benetan Lander!

Nahiko puntual hasi gintzezan haurtengo saribanaketan. 20:00tan egoan iragarrita hasteko ta 20:20an hasi ginan txapeldunak izendatuz. Txapeldunak jakin ostean amarroztar musikariak jardun ziran "From hell to Barrika" lanagaz: Andrés Letamendia, Alfredo Zamora, Borja San Emeterio eta Asier De Artaza. Musika entzuteagaz batera El Puertok luntx ederra atera euskun.

Musikarien atseden batean aprobetxau genduan Barrika Surf Classic memorial honetan gure Tomy Sastre, Aletxu Arana "Mikro", Julito Copa Davis eta Sabas Secilla oroitzeko. Beren oroimenez, beren memorian, seigarren urtea. Egun berezia Barrika Surf Classica lagun honeek gitxienez urtean behin bergogoratuteko eta lau lagun honetaz aparte baita bere gugaz egon gura baina ezin izan daben oroimenez bere bada Barrika Surf Classic egun hau. Faltan bota genduzan Edorta Gironi "Legend", Jupa Soler, Pedrito Nicolás, Jorge Peña, Juantxu Bustinza, Miguelón Lagos "Maikel", Iñaki Uriarte, Andoni San Sebastián "Greñas", Gorki Laraudogoitia, Bittor Laraudogoitia, Buli, Zubiritarrak, Luisa Delclaux, Amaia León, Fernando Astorki eta abar luze bat. Honeen oroimenez bere ospatu dogu egun hau. 21:50ean musika amaitu eta zozketeagaz ekin geuntsan: Juparen OLAUNDI bat (Aitor Esguevak irabazlea), ProSurf ohol txiki bat "patata bat" (Maitane Zulaika irabazlea), gama altuko Quiksilver neopreno bat (Iker Santocildes irabazlea) eta afari-bazkari desbardinak: Kaian (Josu Gurtubay irabazlea), Bibi Txokoa (Gonzalo Jiménez irabazlea), Jubis Jatetxea Gorliz (Ritxi Muñoz), Milagros (Bittor Vázquez), Lighthouse Tavern (Benja Bueno irabazlea) eta Kimtxu (Ander Lombraña irabazlea).

22:10rako amaitu genduan.

Beste aipamen berezi bat Haizeari, Plentziako kirol zinegotziari, eta Plentziako Esti teknikariari. Itsasoaren iragarpena zala eta Plentzian txapelketa eiteko baimena azken ordurarte beren laguntza emotearren. Barikuan azken unean udaletxea iztear egoala behar ziran dokumentazino danak hartzeagaitik eta baimena luzatzeagaitik. Azkenean itsasoa ez zan horrenbeste haunditu eta Barrikan lortu genduan txapelketa osoa burutzea. Halan dabe mila esker Haizea eta Esti!

Gure lau udaletxeak eskertu behar doguz: Barrika, Plentzia, Gorliz eta Lemoiz.

Azkenik eskertu gure laguntzaileak: El Puerto jatetxea, Kaian, Noho Ohiko Ogia, ProSurf Sopela, Jupashapes, Golfo Norte, Milagros, Bibi Txokoa, Lighthouse Tavern, Gauzak, Jubis Jatetxea Gorliz, Olalde frutadenda, Xurrut, Arai Aseguruak, Kimtxu, Viviendas Canadienses, 3sesenta, Bizkaiko Surf Federazioa eta PTB (Plentzia Telebista).

EMOITZAK:

OPEN SURF
1. Igor Arroita
2. Erlantz Idigoras
3. Ion Iker Campos
4. Alain Uribe

NESKA SURF
1. Itziar Cimavilla
2. Maitane Zulaika

GAZTE SURF
1. Asís Atxa
2. Gilen Ibarzabal

OLAUNDI
1. Katxibu (Joseba Francés)
2. Aritza Bizkarralegorra
3. Gonzalo Jiménez
4. Alfredo Zamora
5. Ander Sologuren
6. Tati (Javier Sastre)
 
.  

(2017-10-16) Kronika XXX. Barrika Surf Classic VI. Memoriala
(2017-09-19) XXX. Barrika Surf Classic VI. Memoriala
(2017-09-18) Erlantz Idigoras Amarratz Surf Taldeko lehendakari barriaren mezua
(2017-05-25) Amarratz Surf Taldeko Ohiko Batzar orokorrerako deialdia
(2017-01-18) Ez-ohizko batzarraren agiria
(2017-01-10) Ez-ohizko batzarrerako deialdia
(2016-09-26) XXIX. Barrika Surf Classic V. Memoriala
(2016-09-03 Plentziako itsasadarraren garbiketa
(2016-08-22) Amarratz Surf Taldeko Ohiko Batzar orokorrerako deialdia
(2016-08-18) Amarratz Surf Taldeko hauteskundeak: hautagai zerrenden aurkezpena

Barriak 1tik 10ra 163 osoa

Hurrengo Azken

 
Edukiak BST-ena dira 2006.     Los contenidos son propiedad de BST 2006.