Denboraldia hasi dogu. Eguraldi eta uhin bikainekaz gainera. Hasiera batean Tag-Team txapelketa egiteko asmoa genduan baina pertsona gitxi izena emon ebelez azkenean txapelketa normala ein dogu. Maila bi: Open eta Txiki (azpi-14). Guztira 10 aparlari Open mailean eta 4 Txiki mailean.

Ohitura dalez, goizeko bederatzitan lotu gintzezan Barrikako hondartzako eskileratan. Itsasoa ederra egoan. 1-1,5 metro inguruko uhin garbiak. Hamarrak aldera txapelketagaz hasi genduan. Aparlari gitxi egoalez txandabakoitzeko bi aparlaribesterik ez eben parte hartuten: man to man moduko bat baina 10 aparlariekaz. Openeko aurreneko errondan bost txanda egin genduzan. Gero errepeskabat final erdiak hiru txandekaz eiteko. Azkena hiru aparlarien artean jokatu zan: Pedro Nicolás, Igor “Giri” eta Asier Bilbaoren artean. Bai final erdiak bai azkena guztiz parekatua egon ziran. Azkenean Asier Bilbao nagusitu zan hartutako uhin batean txulo ederra ein ebelako. Uhin horri ezin eutsien aurre egin.

Gure txikitxuei jagokionez, ausardi itzela erakutsi euskuen. Metro eta erdiko uhinekaz uretaratu ziralako eta uhin mordoa harrapatu ebezalako. Badaezpadan aparlari txiki bakotza beste nagusi bategaz uretaratu zan. Azkena zuzena izan zan Txaber Gaminde, Markel Gaminde, Ander Mendiguren eta Aletxu Gironiren artean.